E ndërsa është e rëndësishme të besoni në veten tuaj, disa njerëz kanë një tendencë për t’i kapërcyer kufijtë e vetëbesimit të shëndetshëm. Pavarësisht nëse ata vazhdimisht mburren se sa të suksesshëm janë, duke refuzuar të dëgjojnë dikë tjetër duke folur, ose nuk mund të ndalojnë së postuari ‘selfie’ në mënyrë perfekte, këta njerëz priren më shumë drejt narcizmit sesa të tjerët. Lexoni më poshtë për të zbuluar shenjat e zodiakut më të përqendruar te vetja, nga më pak egoistet te ato më shumë egoistet…

Dashi

Si shenja e parë e zodiakut, Dashi është një lider i lindur. Dashët janë ata që i hapin rrugën të gjitha shenjave të tjera. Megjithatë, kjo natyrë e tyre drejtuese mund t’i bëjë ata të besojnë se të gjithë u detyrohen atyre. Ata duhet të gjejnë veten dhe ta duan veten në mënyrë që ta thyejnë këtë besim. Ndryshe, ata karakterizohen si egoistë dhe njerëz që vazhdimisht duan vëmendjen e të tjerëve.

Demi

Nëse njihni një Dem, me siguri e dini se ata nuk ju dëgjojnë. Janë shenjat më kokëforta dhe luftarake. Si rezultat, ata mund të bëhen jashtëzakonisht materialistë, lakmitarë dhe natyrisht, egoistë. Ata janë empatikë, por bëhen shumë posesivë dhe veprimet e tyre egoiste shpesh i bezdisin të tjerët.

Shigjetari

Bota rrotullohet rreth një Shigjetari, ose kështu mendon ai. Ata karakterizohen lehtësisht si egoistë, pasi nevoja e tyre për eksplorim dhe aventura i bën ata të paqëndrueshëm. Megjithatë, nuk është se nuk kujdesen për të tjerët, thjesht e kanë të vështirë t’i lënë nevojat e tyre pas të tjerëve.

Luani

Luanët udhëhiqen nga dielli, i cili përfaqëson egon, ndaj natyrisht ata kryesojnë listën e shenjave më të përqendruara tek vetja. Luani është jashtëzakonisht i përshtatur me dëshirat dhe nevojat e tij. Kjo shprehet në mënyrë narcisiste, duke konfirmuar stereotipin që kërkon që Luanët të jenë gjithmonë në qendër të vëmendjes. Ata mendojnë se janë më të mirët nga të gjithë dhe vështirë se i pranojnë gabimet e tyre. Ata shkëlqejnë nga natyra dhe nuk kanë nevojë të jenë kërkues për të fituar vëmendjen e të tjerëve, por nevoja e tyre e jashtëzakonshme për afirmim i pengon ata të jenë vetvetja. Ata përfaqësohen nga Luani, “mbreti i kafshëve” dhe kjo lidhet drejtpërdrejt me aftësitë e tyre drejtuese. Ata bëhen udhëheqës shumë të mirë në grupe.