Së fundmi në një kafene në sheshin e famshëm të San Marco-s në Venecia ka ndodhur një ngjarje aspak e këndshme. Një mosmarrëveshje mes një kamerieri dhe një pjesëtari të një grupi turistësh përshkallëzoi dhe situata doli jashtë kontrollit. Pamjet e publikuara nga Corriere del Veneto e Italisë tregojnë përleshjen që shpërtheu në Caffè Chioggia.

Sipas New York Post, videoja u filmua nga një dëshmitar okular anglishtfolës. Të paktën 7 kamerierë raportohet se janë përfshirë në përleshjen me grupin prej katër turistësh, gjatë së cilës një burrë u përpoq të mbrohej duke mbajtur një karrige si “mburojë”. Ende nuk dihet motivi i këtij sherri por stafi i lokalit refuzoi të fliste për mediat lokale rreth incidentit.