Pak ditë më parë Joana Sant ka postuar në Instagram letrën e të partnerit të saj të burgosur Dani Alves , i cili i shkruante se sa shumë e do dhe sa do donte ta kishte në krahë në këto momente të vështira.

Sot mediat spanjolle raportojnë se modelja po ngrin procedurat e divorcit me Dani Alves, i cili ndodhet në burg për përdhunimin e një vajze në Barcelonë dhe po kthehet në shtëpinë e tyre.

Joana prej muajve të fundit jeton në Madrid që kur dëgjoi akuzën ndaj të shoqit u trondit dhe u largua menjëherë nga vendi i saj. Ajo fillimisht e fshiu atë nga rrjetet sociale dhe më pas paraqiti kërkesën për divorc në fund të janarit, disa ditë pasi Alves u ndalua.

Gjatë gjithë kësaj kohe ajo e vizitoi një herë në burg dhe u justifikua se bëri atë që ai bëri sepse ishte i dehur. Mirëpo, dashuria e saj e çmendur për brazilianin dhe falja e tij e bindën që të kthehej në krahët e tij, qoftë edhe nga distanca. Gjyqi i parë pritet të zhvillohet në tetor dhe Joana Sant pritet të jetë në sallën e gjyqit për të mbështetur psikologjikisht ish-asin e Barcelonës.

Alves sulmoi dhe përdhunoi, sipas aktakuzës, një grua të re në një lokal në Barcelonë në natën e Vitit të Ri 2023, pas së cilës ajo e denoncoi atë në polici. Edhe pse në fillim mohoi gjithçka, më pas ra në shumë kontradikta dhe deklaroi se gjithçka është bërë me pëlqimin e vajzës. Alves ka paraqitur tre kërkesa për lirim me kusht, por mbetet në burg. Ai dënohet deri në dhjetë vjet burg!