A e keni menduar ndonjëherë se çfarë ndodh në trurin e fëmijës suaj kur i bërtisni? Hulumtimet e reja nga SHBA dhe Londra tregojnë se të bërtiturat ndaj fëmijëve mund të jenë po aq të dëmshme sa abuzimi seksual ose fizik. Studimi bën thirrje që abuzimi verbal i fëmijëve të njihet zyrtarisht si një “formë abuzimi”. Autorët e studimit zbuluan se toni negativ dhe përmbajtja kishin një ndikim negativ. Baballarët, nënat dhe mësuesit janë personat që kanë më shumë ndikim në sjelljen e fëmijëve.

Disa nga efektet e abuzimit verbal mund të zgjasin gjithë jetën. Abuzimi mund të krijojë efekte themelore emocionale dhe psikologjike, të cilat përfshijnë obezitetin, rritjen e zemërimit, keqpërdorimin e substancave, depresionin dhe vetëdëmtimin.

Studiuesit thonë se duhet të ketë një mënyrë më të mirë për të përcaktuar abuzimin verbal. Aktualisht, katër kategori përfshijnë abuzimin e fëmijëve; abuzimi fizik, abuzimi seksual, abuzimi emocional dhe neglizhenca. “Parandalimi i abuzimit të fëmijëve është mënyra më efektive për të reduktuar përhapjen e problemeve të shëndetit mendor të fëmijëve,”-tha bashkëautori i studimit Peter Fonagy.