Së fundmi, Lady Gaga ka shënuar një tjetër fitore ligjore, nuk do të paguajë dëmshpërblimin prej 500 mijë eurosh për gjetjen e qenve të saj. Kujdestari i qenve Ryan Fischier u sulmua dhe u qëllua në gjoks gjatë grabitjes dhe u padit nga Jennifer McBride, e cila pretendoi se i detyrohej shpërblim për sjelljen e qenve.

Gjykatësja me qendër në Los Angeles, Holly J. Fujie, vendosi se Gaga nuk do të marrë përsipër shpërblimin. Ylli i muzikës pop refuzon të paguajë dëmshpërblimin prej 500 mijë eurosh që ofroi për gjetjen e qenve të saj. Në korrik, Fujie i kishte dhënë McBride-it 20 ditë për të ndryshuar dosjen e saj pasi fillimisht vendosi se ajo nuk kualifikohej për shpërblimin, pasi nuk pretendoi të ishte e përfshirë në vjedhje.

Në dosjen e saj të ndryshuar, McBride pohoi se ajo nuk ishte ‘në asnjë mënyrë e përfshirë në vjedhje’ dhe ajo tha se mori përsipër t’ia kthente qentë aktores së “A Star Is Born”. Ankesa e McBride është hedhur poshtë me paragjykim, që do të thotë se ajo nuk do të jetë në gjendje të paraqesë një amendament tjetër me shpresën se do ta kalojë atë në sistemin ligjor.

Gaga fillimisht kishte refuzuar t’i paguante McBride-it shpërblimin e kërkuar prej 500 mijë eurosh për shkak të shqetësimeve se ajo ishte përfshirë në vjedhje. Artistja e famshme shpalli shpërblimin rreth dy vite më parë në kohën edhe kur iu vodhën qentë. Rikujtojmë, se Gaga ka debutuar në botën e bukurisë me një linjë make-up të quajtur Haus Laboratories.