Një burrë i mumifikuar më në fund do të varroset pasi ishte ekspozuar në një shtëpi funerali në Pensilvani për 128 vjet. I njohur si Stoneman Willie i ndjeri ndërroi jetë në një burg lokal në 1895 si pasojë e problemeve me veshkat. Ai u mumifikua aksidentalisht nga një sipërmarrës i cili po eksperimentonte me teknika të reja balsamimi.

I veshur me një kostum me një kravatë, Stoneman Willie shfaqet në një arkivol. Pasi kishte dhënë një emër të rremë në momentin e arrestimit të tij, identiteti i burrit mbeti i panjohur për shumë vite dhe zyrtarët lokalë nuk ishin në gjendje të kontaktonin me ndonjë të afërm. Por duke përdorur dokumente historike, emri i vërtetë i Stoneman Willie është identifikuar dhe do të mbishkruhet në fund të gurit të varrit të tij kur trupi i tij të varroset më 7 tetor.

“Ne nuk i referohemi atij si një mumje. Ne i referohemi atij si miku ynë Willie,”-tha drejtori i funeralit Kyle Blankenbiller. Shtëpia e funeralit i kishte kërkuar shtetit leje për ta mbajtur trupin në vend që ta varrosnin për të monitoruar procesin e teknikës eksperimentale të balsamimit. Përpara funeralit, banorët vendas dolën në rrugë për të festuar 275 vjetorin e Reading.