Rasti i Marianne Bachmeier është një rast që mbahet mend gjatë në historinë gjermane. Kjo pasi ajo ishte një nënë që vrau vrasësin e fëmijës së saj në sallën e gjyqit si hakmarrje. Më 5 maj 1980, vajza e Marianne Bachmeier u gjet e vdekur, pasi ishte vrarë. Një burrë ka rrëfyer se e ka vrarë shtatë vjeçaren, por e ka akuzuar se ka tentuar ta shantazhojë. Më 6 mars 1981, Bachmeier mori hak vetë.

Kush ishte Marianne Bachmeier?

Marianne Bachmeier ka lindur më 3 qershor 1950. Ajo u rrit në Sarstedt, një qytet i vogël pranë Hildesheim në Saksoninë e Poshtme, në Gjermaninë Perëndimore, ku prindërit e saj kishin ikur pas Luftës së Dytë Botërore nga Prusia Lindore. Në nëntor 1972, Bachmeier soli në jetë një vajzë të quajtur Anna.

Në vitin 1981 ajo u bë kryefjalë në titujt e parë të gazetave pasi qëlloi dhe vrau burrin që sulmoi seksualisht dhe vrau vajzën e saj.

Kush ishte Klaus Grabowski?

Klaus Grabowski ishte një kasap 35-vjeçar dhe një abuzues. Ai ishte dënuar më parë për abuzim seksual të dy vajzave. Në vitin 1976, Grabowski iu nënshtrua vullnetarisht kastrimit kimik, megjithëse më vonë u zbulua se ai më pas iu nënshtrua trajtimit hormonal në përpjekje për të ndryshuar sërish.

Çfarë ndodhi me vajzën e Marianne, Anne Bachmeier?

Më 5 maj 1980, 7-vjeçarja Anna Bachmeier u rrëmbye dhe u vra nga Klaus Grabowski. Ai e mbajti atë për disa orë në shtëpinë e tij, e sulmoi seksualisht dhe në fund e mbyti. Më pas e fejuara e Grabowskit e dorëzoi atë në polici. Pasi u arrestua, ai deklaroi se vajza donte t’i tregonte nënës së saj se ai kishte abuzuar me të për t’i zhvatur para. Grabowski tha se frika e tij për t’u kthyer në burg e shtyu atë ta vriste atë.

Çfarë ndodhi me Marianne Bachmeier?

Më 6 mars 1981, ditën e tretë të gjyqit të Grabowskit dhe rreth orës 10 të mëngjesit, Marianne hyri me një pistoletë Beretta 70 në sallën e gjyqit të Gjykatës së Qarkut Lübeck. Më pas ajo qëlloi pas shpine Klaus Grabowski, vrasësin e vajzës së saj. Bachmeier drejtoi armën në shpinën e Grabowskit dhe qëlloi shtatë herë, dhe ai mbeti i vrarë.  Më pas ajo uli armën dhe u kap pa bërë rezistencë.

Ky rast shkaktoi mbulim të gjerë mediatik dhe debat publik. Si rezultat, Bachmeier u dënua për vrasje dhe posedim të paligjshëm të një arme zjarri. Ajo u dënua me gjashtë vjet, por u lirua me kusht pasi kreu tre vjet.

Cili ishte shkaku i vdekjes së Marianne Bachmeier?

Më 17 shtator 1996, Bachmeier vdiq në moshën 46 vjeçare nga kanceri pankreatik në një spital në Lübeck. Vendi i saj i prehjes është pranë vajzës së saj, Anna, në Varrezat Burgtor, Lübeck. Para vdekjes së saj, ajo i kërkoi reporterit të Norddeutscher Rundfunk, Lukas Maria Böhmer, ta shoqëronte dhe të filmonte fazat e fundit të jetës së saj.