Reperi i njohur shqiptar, Gold AG, u arrestua mbrëmjen e kaluar nga policia greke.

Lajmin e ka bërë publik vetë reperi, i cili ishte prenotuar për të kënduar në disa mbrëmje muzikore për shqiptarët në Greqi.

Ai ka sqaruar se arsyeja e ndalesës kanë qenë këngët e tij me motive patriotike.

Ky është statusi i plotë i Gold AG.

“Lajmërim për shqiptarët në Greqi. Mbrëm rreth orës 1:00 pas mesnate arrita në Athinë.Në kontrollën e pasaportave u ndalova nga policia greke dhe më mbajtën të mbyllur deri në mëngjesin e sotëm.Arsyeja e vetme ishin këngët e mia dhe ma bënë ndalesë hyrjen në atë vend.Ju kërkoj falje krejt atyre dashamirëve që do të ishin sonte e nesër prezent në koncertet e mia.Shpresoj që shihemi herav tjera.

Kushdo që ka spiunu dua ti them me pak fjalë: Jemi burgos historikisht, kemi vdekë nga rrahjet e torturat ,por emra nuk kemi qit.E tash pa na rreh kërkush e qesim njëri tjetrin në gracka për fitime personale.Jam mësuar se kam s’pari kështu, dhe do vazhdoj se…S’JAM FAJTOR SE JAM SHQIPTAR”, ka shkruar reperi, emri i vërtetë i të cilit është Arian Agushi.