Për të Premten e 13-të dhe Halloween-in, të apasionuarit pas frikës patën mundësinë të flinin, nëse mundën, në një stacion metroje në Manhatan ose të paktën në një dhomë të modeluar si një e tillë. Vizitorët zbuluan se çfarë ndodh me të vërtetë gjatë natës gjatë qëndrimit të tyre drithërues në InterContinental në Times Square, i cili ka bashkëpunuar me Madame Tussauds për të krijuar një mbrëmje tejet të frikshme.

Figurat e frikshme prej dylli sjellin në jetë hotelin e tmerreve, ndërsa ata të guximshmit që kanë mjaftueshëm kureshtje për të rezervuar një dhomë do të ndeshen me Pennywise-in e frikshëm nga filmi “It”, murgeshën demon nga “The Conjuring” dhe madje edhe Regan, të luajtur nga Linda Blair, nga filmi “The Exorcist” duke qëndruar në ajër pranë shtratit. Nata e frikshme kushtoi 4,000 dollarë për dy vizitorë të patrembur, të cilët hëngrën një darkë me tre pjata me ushqime dhe pije të frymëzuara nga filmat e njohur të Warner Bros për Halloween.

Të ftuarit zhvilluan gjithashtu një turne nëpër modelet e çuditshme, të udhëhequr nga artistët e Madame Tussauds me një fotograf që kapte imazhe kujtimesh që njerëzit t’i çonin në shtëpi. Suita me tematikë nga stacioni i metrosë erdhi me një mini-bar të pajisur gjithashtu, vetëm në rast se vizitorëve u nevojitet një pije, ose edhe më shumë, për të kaluar natën.