Roland Xhaxhos, mjekut anestezist që po hetohet lidhur me vdekjen e një fëmije 4 vjeç pas ndërhyrjes kirurgjikale në dhëmbë i kanë vjedhur 45 mijë e 900 euro dhe 2 milion lekë të vjetra.

Sipas Ora News, Kallëzimi është bërë nga gruaja e Rolandit e cila është paraqitur në polici duke pohuar se sasia e lekëve ishte marrë nga pastruesja, e cila është dhe kushërirë e largët e bashkëshortit.

Këto para sipas denoncimit të familjes së Roland Xhaxho dhe bashkëshortes së tij ishin kursime të nënës së gruas së doktorit, kursime të mbledhura në 30 vite pension dhe ata e kanë konstatuar vjedhjen vetëm pasi nëna (vjehrra e doktorit) kishte ndërruar jetë.

Pastruesja A. Xh. është kallëzuar në komisariatin nr.2 dhe tashmë është vënë nën akuzë rezulton se nuk ka vjedhur para vetëm në banesën e doktorit Roland Xhaho, por po ashtu dyshohet se ka vjedhur sende me vlerë edhe në banesën e vajzës së tij doktoreshës Ina Xhaxho.