Thuhet se tenistja japoneze Naomi Osaka dhe i dashuri i saj, Cordae janë ndarë vetëm tre muaj pasi mirëpritën fëmijën e tyre të parë së bashku. Ylli 26-vjeçar i tenisit la të kuptohet për një ndarje të mundshme në Twitter pasi fshiu çdo gjurmë të reperit të “Doomsday” nga Instagrami i saj. “Unë dua vetëm dikë që do të shikojë perëndimin e diellit me mua”, shkroi Osaka në Twitter më 17 tetor. Ish-tenistja numër 1 e botës gjithashtu la të kuptohet se është ndarë duke shkruara: “Arti i të duash veten”.

Ajo gjithashtu pëlqeu një postim në Twitter një javë më parë rreth “largimit nga ata që nuk të vlerësonin”. Dyshja, të cilët janë në lidhje që nga viti 2019, gjithashtu nuk e ndiqnin njëri-tjetrin në rrjetet e tyre sociale. Ata mirëpritën fëmijën e tyre të parë, një vajzë të quajtur Shai, në korrik.

Osaka njoftoi se ishte shtatzënë në janar. Tenistja, e cila u tërhoq nga Australian Open disa ditë përpara se të bënte njoftimin e shtatzënisë, u zotua se do t’i rikthehej sportit më në formë se kurrë më parë.