Fatkeqësisht ka ndërruar jetë në moshën 50-vjeçare ish-bashkëshorti i Eva Longorias, Tyler Christopher. Aktori vdiq nga një atak në zemër në apartamentin e tij në San Diego. Lajmin për vdekjen e bëri të ditur kolegu i tij Maurice Benard i cili me anë të një deklarate shkroi se:

Me pikëllim të madh ndajmë lajmin për vdekjen e Tyler Christopher. Tyler vdiq këtë mëngjes nga një atak në zemër në apartamentin e tij në San Diego.

Christopher ishte i martuar me Eva Longoria nga viti 2002 deri në 2004. Aktori luajti rolin e Nikolas Cassadine në 1,153 episode të General Hospital nga viti 1996 deri në 2016. Për punën e tij në serial, ai fitoi katër nominime për Emmy Daytime dhe në vitin 2016 fitoi çmimin për aktorin e shquar në një serial dramë. Nga viti 2018 deri në vitin 2019, ai portretizoi Stefan DiMera në 159 episode të telenovelës Days of Our Lives.

Christopher u martua dy herë me Longoria dhe me sportisten e ESPN, Brienne Pedigo. Martesa e tyre zgjati nga viti 2008 deri në vitin 2021. Çifti kanë dy fëmijë, një djalë, Greysun James, 10 vjeç dhe një vajzë 4-vjeçare, Boheme. Aktori u arrestua gjashtë muaj më parë kur u kap në gjendje të dehur në një aeroport në Los Angeles. Në vitin 2022, Christopher u shfaq në podcastin e shëndetit mendor State of Mind. Gjatë episodit, ai foli për varësinë e tij ndaj alkoolit.