Aktori i ndjerë Matthew Perry donte të ndihmonte të tjerët që po luftonin me abuzimin me drogën përpara vdekjes së tij tragjike. Sipas People, ylli i “Friends” planifikoi të krijonte një organizatë për të ndihmuar ata që vuanin nga problemet e abuzimit me substancat. Në kujtimet e tij, “Friends, Lovers and Big Terrible Thing”, Perry përshkroi problemet e tij të varësisë, duke shpjeguar se pse shkoi në rehabilitim 15 herë.

Përveç kësaj, ai vlerësoi se shpenzoi rreth 9 milionë dollarë duke u përpjekur të çlirohej. Në vitin 2013, ai themeloi Perry’s House në rezidencën e tij në Malibu për burrat që vuanin nga alkoolizmi. Aktori kishte përfunduar një program rehabilitimi 28-ditor në vitin 1997 për varësinë nga Vicodin dhe më pas një periudhë tjetër në rehabilitimin për opioidet (OxyContin) dhe varësinë ndaj alkoolit në 2001. Ai u shtrua përsëri në spital në 2002 dhe hyri në rehabilitim në Marina del Rey, Kaliforni.

Aktori u gjet i vdekur në shtëpinë e tij në Los Angeles. Sipas mediave të huaja, aktori u gjet i pavetëdijshëm në vaskë në shtëpinë e tij. Pesë yjet, miqtë e të ndjerit nga seriali “Friends”, kanë dhënë një deklaratë të përbashkët zyrtare në lidhje me vdekjen tragjike të aktorit në moshën 54-vjeçare. Jennifer Aniston, Courteney Cox, Lisa Kudrow, Matt LeBlanc dhe David Schwimmer nënshkruan të gjithë deklaratën, duke u thënë fansave se janë zemërthyer nga lajmi.

Ndërkaq, aktori në autobiografinë e tij të publikuar tetorin e kaluar kishte përmendur marrëdhënien e ngushtë, por platonike që kishte zhvilluar me asistenten e tij personale, Briana Brancato. Thuhet se ajo është personi që bëri thirrjen e dëshpëruar në urgjencë për të raportuar gjetjen e Perry-t të vdekur në vaskë. Perry ishte dëshpërimisht i vetmuar dhe dëshironte të kishte një familje dhe fëmijë. Por në 7 vitet e fundit ai kishte gjetur Briana-n, personin që i ishte pranë në momentet e tij më të vështira