Stuhia Ciaran dëshmoi se ishte më e forta që nga viti 1987 për disa pjesë të Evropës Perëndimore, ku vrau të paktën 12 njerëz dhe shkaktoi dëme të mëdha, duke ndërprerë energjinë për 1.2 milionë banorë në Francë dhe duke ndërprerë qindra fluturime. Pak ditë pas Ciaran, një stuhi e re e quajtur Domingos nga agjencia meteorologjike e Spanjës është duke ardhur dhe mund të përkeqësojë përpjekjet për të rregulluar dëmet që la stuhia parardhëse, shkruajnë mediat e huaja.

Domingo pritet të godasë Spanjën veriore dhe Francën perëndimore përgjatë Gjirit të Biscay. Priten erëra të forta prej 55 deri në 65 kilometra në orë, me rrëshqitje nga 80 deri në 100 kilometra në orë në Francën perëndimore dhe në veri të Spanjës. Në Evropën Perëndimore, kushtet e turbullta pritet të zbuten nesër. Shiu më i dendur do të zhvendoset më pas përgjatë brigjeve lindore të detit Adriatik në terrenin e pjerrët të Sllovenisë, Kroacisë, Bosnjës, Malit të Zi, Shqipërisë dhe Greqisë.

Kujtojmë së edhe Shqipëria u prek nga stuhia Ciaran, e cila solli përmbytje në shumë qytete, prishje dhe bllokime të rrugëvew nga inertet. Gjithashtu solli edhe pezullimin të lundrimit detar. Stuhia ishte prezente në vendin tonë që nga mesdita e të premtes deri dje, ndërsa sot është raportuar përmirësim i situatës.

Cfarë është Ciaran?

Stuhia Ciaran është një ciklon ekstra-tropikal (me fjalë të tjera, një stuhi rrotulluese që formohet jashtë tropikëve) dhe e pazakontë midis stuhive të Atlantikut të Veriut, të cilat rrallë prodhojnë shi të dendur dhe erëra të forta në zona të mëdha.

Ekspertët thonë se duke pasur parasysh se ky ciklon ka mbërritur më herët në sezonin e stuhive, pemët janë ende me gjethe dhe toka është ndikuar nga lagështira e kohëve të fundit, prandaj pritet që kjo stuhi të rrezikojë më shumë vendet.

Duke qenë se sasia e shiut që bie në një kohë shumë të shkurtër është në një nivel gati rekord, meteorologët e kanë quajtur një ciklon bombë.