Anketime dhe studime të shumta kanë treguar se fëmijët që në moshë të hershme fillojnë të shqetësohen për pamjen e tyre fizike. Ekspertët të cilët merren me fëmijët, thonë se pothuajse 71% prej tyre fillojnë të brengosen për pamjen e tyre fizike që prej moshës 3-vjeçare.

Një hulumtim i tillë është kryer edhe nga PACEY: Shoqata Profesionale për Kujdesin e Fëmijëve dhe në Vitet e Hershme, e cila ka treguar se edhe para se të shkojnë në shkollë apo çerdhe, fëmijët fillojnë të ndërtojnë imazh negativ për pamjen e tyre fizike. Hulumtuesit kanë thënë se fëmijët shfaqin shenja të pakënaqësisë me trupat e tyre.

Organizatat të cilat merren me kujdesin e fëmijëve kanë thënë se kjo gjë është shqetësuese dhe se numri i fëmijëve që janë të pakënaqur me pamjen e tyre fizike dyfishohet kur arrijnë moshën 6-vjeçare. Jacqueline Harding, eksperte e kësaj fushe, thotë se duhet të bëhen më shumë hulumtime për këtë aspekt, por beson se televizioni dhe fotografitë në rrjete sociale janë më së shumti përgjegjëse për këtë shqetësim.

Rikujtojmë se, shumë prindër mund të mos kenë dëgjuar më parë për teknikën e “pritjes progresive” të krijuar nga neuropediatri anglez Richard Ferber. Por me shumë gjasë e keni përdorur atë gjatë rritjes së fëmijëve. Bëhet fjalë për një metodë shumë të thjeshtë për t’i vënë ata në gjumë, t’i lini të qajnë derisa të lodhen.

Tingëllon paksa e drastike në pamje të parë, por shumë prindër zgjedhin ta praktikojnë me fëmijë të moshës 0-3 vjeç. Ata i lënë të qajnë nën pretekstin se fëmijët lodhen dhe më pas do të mund të flenë të qetë. Ajo që nuk dini është sesi ndikon e qara në jetën e një fëmije. Pasojat fizike dhe psikologjike prekin ecurinë e shëndetit të tyre edhe gjatë një periudhe më të vonë.