E hëna e parë e muajit maj është një nga ngjarjet më të mëdha të modës të vitit dhe Vogue zbuloi temën e Met Gala 2024. Tema, “Sleeping Beauty” është vendosur të shfaqë 250 artikuj nga koleksioni i përhershëm i Institutit të Kostumeve. “Nga një bust i shekullit të 17-të dhe fustanet e famshme të Junon dhe Venus të Christian Dior-it, deri te blerjet e shekullit të 21-të nga stilistë duke përfshirë Phillip Lim, Stella McCartney dhe Conner Ives, ekspozita kryesore do të përfshijë 400 vjet histori.

Met Gala, do të zhvillohet më 6 maj 2024, në Muzeun Metropolitan të Artit në New York City. Tema e vitit 2023 ishte “Karl Lagerfeld: A line of beauty”, e cila shfaqi më shumë se 150 pamje origjinale të dizajnuara nga Lagerfeld, i cili ndërroi jetë në moshën 85-vjeçare në vitin 2019. Shumë nga skicat e tij origjinale u shfaqën gjithashtu krahas objekteve të ekspozuara. Penélope Cruz, Dua Lipa, Roger Federer dhe Michaela Coel ishin bashkëkryesuesit e ngjarjes së bashku me kryeredaktoren e Vogue, Anna Wintour, e cila ka udhëhequr ngjarjen që nga viti 1995.