‘Hëna e Kastorit’ e datës 13 nëntor do të arrijë në Akrep dhe sigurisht do të ndikojë në jetën tuaj. Ju do të ndiqni pasionet e juaja më të thella. Hënat e reja simbolizojnë fillime të reja. Janë një kujtesë për të pushuar, për të bërë plane dhe janë një kohë veçanërisht e fuqishme për të manifestuar. Akrepi simbolizohet nga fuqia dhe transformimi; përfaqëson nevojën tonë për të hequr dorë nga çdo gjë që na pengon.

“Akrepi në grafikët tanë tregon se ku jemi të fshehtë dhe strategjikë me veprimet tona dhe ku jemi kokëfortë, elastikë, besnikë dhe të pasionuar”,-thotë astrologu Tamerri Ater. Ky lunacion na nxit të gërmojmë thellë brenda vetes, të zbulojmë atë që nuk na shërben më dhe të krijojmë vend për zhvillim. Akrepi është një shenjë shumë emocionale, kërkuese dhe ekspresive.

Femra Akrep ka një energji të jashtëzakonshme që është e pamundur ta injorosh. Po ashtu, ka edhe disa veti të zjarrta dhe të forta erotike, ndryshe nga të gjitha shenjat e tjera të zodiakut. Femra Akrep është dinake dhe e pakundërshtueshme. Di të jetë shumë misterioze, provokuese, por edhe emocionale. Ka kufi mes dashurisë dhe pasionit. Mashkulli Akrep është po ashtu natyrë shumë pasionante. Është mjaft dominues në lojërat e dashurisë dhe në shtrat kërkon me çdo kusht të jetë dominues.

Ndërkaq, disa shenja të zodiakut janë ndikuar në mënyrë dramatike nga kthimi i Saturnit retrogradë në lëvizje të drejtpërdrejtë më 4 nëntor. Që nga marsi i vitit 2023, Saturni është në shenjën e zodiakut të Peshqve dhe do të qëndrojë atje deri në vitin 2026. Ky tranzit është një kohë për të mësuar mësime të reja dhe duke qenë se në astrologji Saturni tradicionalisht lidhet me disiplinën, rendin dhe karmën, ky planet është përgjegjës për t’ju treguar se si mund të punoni me veten tuaj.