Po afrojnë Krishtlindjet dhe një kompania ka ardhur me një ofert/ super tunduese. Cable TV ka publikuar një reklamë duke kërkuar një person për të parë 25 filma Krishtlindjesh në 25 ditë. Kushdo që zgjidhet do të marrë një pagë prej 2500 dollarësh ose 2334 euro, si dhe abonime në shërbimet e transmetimit Netflix, Hulu, Disney+, Amazon Prime, Max, Apple TV+ dhe Hallmark Movies Now.

Titulli zyrtar i punës është Chief of Cheer dhe pasi të shikoni filmat, do t’ju duhet t’i vlerësoni ata bazuar në faktorë që përfshijnë nostalgjinë, përmbajtjen dhe ndjenjën e përgjithshme të pushimeve. Përveç kësaj, kompania dëshiron të dëgjojë se cilat platforma transmetimi janë më të lehta për t’u përdorur dhe cilat ofrojnë një përzgjedhje të mirë të filmave për pushime. Sa i përket kërkesave, duhet të jeni mbi 18-vjeç, të jetoni në SHBA, të doni filmat e festave dhe të keni kohë të mjaftueshme për të parë 25 filma në 25 ditë.

Krishtlindja është një kohë shumë e dashur e vitit. Të mëdhenj e të vegjël e presin me padurim këtë periudhë për arsye të ndryshme. Nga pushimi në shkollë deri te dhuratat që shkëmbejmë, duket se Krishtlindja ka disa arsye për të qenë periudhë e shumëpritur. Kur duhet ta vendos pemën time të Krishtlindjes është një pyetje që bëhet në shumë shtëpi çdo vit. Ajo i shton mjaft atmosferë festive shtëpisë, por edhe pema e Krishtlindjeve e ka një kufi për sa kohë do të mbetet e bukur në ngrohtësinë e një dhome.

Për më tepër, edhe fansat më të mëdhenj të festës e dinë se idetë e dekorimit të Krishtlindjeve mund të humbasin magjinë e tyre nëse janë një tipar i ambienteve të brendshme për një kohë të gjatë. Gjithkush ka një këndvështrim individual se kur do ta vendosë pemën e Krishtlindjes së bashku me dekorimet e tjera, por ka disa çështje që duhen mbajtur parasysh kur ta vendosni. Ne ju zbulojmë se çfarë këshillojnë dizajnerët dhe specialistët e pemëve.