Polestar ka konfirmuar se prodhimi i Polestar 4 SUV ka filluar në fabrikën e Hangzhou Bay në Kinë. Makina është Polestari i parë që prodhohet në fabrikën e Gjirit të Hangzhou, që operohet nga Geely Holding. Dërgesat e para të Polestar 4 për klientët në Kinë priten para fundit të vitit 2023. Lançimi zyrtar i automjetit në të gjitha tregjet e tjera është planifikuar në fillim të vitit 2024. Dërgesat tek klientët në këto tregje pritet të fillojnë gjithashtu brenda vitit 2024.

Thomas Ingenlath, CEO i Polestar, shprehu entuziazmin e tij për automjetin.

Polestar 4 i parë që del nga linja e prodhimit, është kulmi i punës së palodhur nga kolegë dhe partnerë të panumërt. Polestar 4 shquhet në dizajn dhe performancë, një coupe SUV i jashtëzakonshëm në shumë mënyra. Është Polestar i parë që ka një dritare virtuale të pasme me pasqyrë digjitale të klasit botëror.

Rikujtojmë, se vitin e kaluar Polestar arriti një moment historik pasi ndërtoi 100 mijë njësi të Polestar 2, modeli i tij i njohur plotësisht elektrik. Pika historike e numrit të prodhimit erdhi dy vjet e gjysmë pasi filloi prodhimi i modelit me pesë dyer në fabrikën mëmë Volvo Cars në Taizhou në Luqiao, Kinë. Modeli i 100 mijë-të i Polestar 2 ishte i destinuar për Irlandë, një nga më të fundit nga 27 tregjet globale të Polestar. “Është një arritje e mahnitshme veçanërisht duke pasur parasysh që ne lançuam Polestar 2 gjatë pandemisë”, tha CEO i Polestar, Thomas Ingenlath në një deklaratë.