17 nëntori është Dita e Maces së Zezë, një festë e promovuar nga Shoqata Italiane për Mbrojtjen e Kafshëve dhe Mjedisit. Pavarësisht përparimit të shkencës dhe presionit të inovacionit teknologjik, ka ende nga ata që besojnë se kalimi i një maceje të zezë në rrugë apo vajtimi i një bufi mund të shkaktojë fatkeqësi. Por, studiuesit nuk janë dakord. Sipas tyre, kafshët janë të gjitha njësoj dhe nuk janë aspak bartës të fatit të keq, por vetëm të dashurisë.

E në fakt, nuk është kalimi i maces së padëmshme me qime të zeza, aq më pak ai i qenve, dhelprave, iriqëve, derrave apo vajtimi i kukuvajkave dhe bufave që përcakton aksidentet e shumta që ndodhin në rrugë, por shpejtësia dhe shpërqendrimi i shoferëve, sjellja e pamatur e të cilëve, fatkeqësisht është shumë e shpeshtë.

Kujtesë!

Në Egjiptin e lashtë, macet e zeza nderoheshin dhe përfaqësoheshin si mishërimi i hyjnive Bastet e Sekhmet, duke fituar kështu atributet e pjellorisë e po ashtu, të mprehtësisë.

Kjo bukuri simbolike u përhap më pas në Greqi dhe në Romën e lashtë, ku macja e zezë i atribuohej perëndeshës së gjuetisë Diana e bartësit të cilësive magjike.

Në mitologjinë kelte, megjithatë, macet e zeza shoqëroheshin me botën e shpirtrave dhe konsideroheshin mbrojtës kundër qenieve të liga. Në vendet anglo-saksone, edhe sot macja e zezë zakonisht konsiderohet një hajmali e vërtetë.

Skocezët, për shembull, besojnë se ardhja e një mace të zezë në shtëpi simbolizon fillimin e një periudhe prosperiteti. Gjithashtu në Europë, veçanërisht në Gjermani, besohet se nëse një mace e zezë sjell fat vetëm nëse kalon rrugën nga e majta në të djathtë.

Më në fund, në anën tjetër të botës, në kontinentin aziatik gjejmë folklorin e Japonisë, i cili sugjeron se këto kafshë janë pararojë e fatit dhe prosperitetit. Këto janë thjesht disa fakte për të ndryshuar mendim, nëse e merrni shumë seriozisht.