Paratë e fituara nga tregtarët shqiptarë të drogës në Londër po shtrembërojnë ekonominë shqiptare dhe po bëjnë që çmimet e pronave në vendin tonë të rriten, sipas ekonomistit Armand Mala.

Mala tha për Daily Express se bumi i banesave në vend po shfrytëzohej nga kriminelët për shkak të mungesës së rregullores.

Sektori i ndërtimit ka qenë një mënyrë e mirë për të investuar [për kriminelët] sepse ato tregojnë burimin e një sasie të vogël parash kur blejnë një pronë,” shpjegoi ai.

Pjesa tjetër mund të paguhet me para në dorë pa dhënë arsye se ku i ka marrë individi.

Pra, kjo ka qenë një zgjidhje e mirë për ata që investojnë para të fituara në mënyrë ilegale jashtë vendit. Tregu ndihmon edhe me pastrimin e parave sepse, pas një periudhe të caktuar, ata mund të rishesin pronën me një çmim më të lartë dhe të fitojnë të ardhura të larta.

Gjatë një udhëtimi  në Shqipëri, Daily Express pa sesi vendi jonë po transformohet nga zhvillimet e reja.

Daily Express theksoi se ka dëgjuar shumë histori nga vendasit se si të rinjtë që kishin udhëtuar në Londër për të punuar në fermat e kanabisit kishin investuar qindra mijëra para të fituara ilegalisht në prona.

Megjithatë, Mala tha se për shkak të mënyrave të shumta që paratë mund të lëvizin, ishte e vështirë të vlerësohej përmasa e saktë që kjo po e nxiste këtë bum. Ai beson se paratë ilegale janë një faktor kyç në deformimin e tregut të pronave në Shqipëri.

Një aspekt që ndihet nga shqiptarët  është rritja e çmimeve të banesave. Vitin e kaluar, kostoja e pronave në Shqipëri u rrit me 39% .

Çuditërisht në një vend ku paga mesatare është vetëm 330 £ në muaj, ëndrra për të pasur një shtëpi është e paarritshme për shumë njerëz.

Çmimet janë shumë të larta në krahasim me standardin tonë të jetesës, vazhdoi Mala. Të blesh një shtëpi është e pamundur ose të paktën shumë, shumë e vështirë për dikë që fiton një rrogë normale.

Duke qenë se ekonomia jonë është e vogël, ne kemi qenë gjithmonë të prekur nga dërgesat e emigrantëve jashtë vendit, shpjegoi ai.

Fillimisht ishin tregje si Greqia dhe Italia dhe më pas, vitet e fundit, harta është zgjeruar, veçanërisht me Britaninë e Madhe.

Mala tha se ai beson se rritja dramatike e emigrimit të paligjshëm në vitin 2022 nga shqiptarët në Mbretërinë e Bashkuar nga kanali i La Manshit, ishte pjesërisht e nxitur nga mediat sociale.

“U promovua në mediat sociale, njerëzit mendonin se shkuarja [në Britani] do të zgjidhte [çështjet e tyre]. Por tani kemi shumë raste të tjera ku njerëz u kthyen nga Mbretëria e Bashkuar të cilët e kuptuan se nuk ishte një vend mrekullish”, tha Mala.

Ky ishte një nga faktorët që e shtyu ekonomistin të besonte se migrimi nga Shqipëria do të binte në vitet e ardhshme.

Daily Express