Aktori dhe muzikanti i njohur Jamie Foxx po përballet me akuza të rënda për një sulm seksual që dyshohet se ka ndodhur tetë vjet më parë në qytetin e Nju Jorkut. Akuzuesja, Jane Doe, ka ngritur një padi në bazë të Aktit të të Mbijetuarve të Rritur të Nju Jorkut, i cili ofron një afat një vjeçar për pretendimet që përndryshe do të ndaloheshin nga statuti i kufizimeve.

Jamie Foxx was sued on Wednesday for allegedly sexually assaulting a patron at a rooftop bar in New York in 2015. https://t.co/m4pmVXuUW5 pic.twitter.com/gYseGYlpiU

— Variety (@Variety) November 23, 2023

Në lidhje me këto akuza ka reaguar edhe vetë ai së fundmi ku ka mohuar pretendimet se ai ka sulmuar seksualisht një grua në Catch NYC & Roof në muajin gusht të vitit 2015. Një përfaqësues i Foxx ka folur për Page Six dhe është shprehur se:

Incidenti i supozuar nuk ka ndodhur kurrë. Në vitin 2020, ky individ ngriti një padi pothuajse identike në Brooklyn. Kjo çështje u pushua menjëherë pas kësaj. Pretendimet nuk janë më të zbatueshme sot se sa ishin atëherë. Ne kemi besim se ata do të bien poshtë përsëri.

Përfaqësuesi ka vijuar më tej duke thënë se aktori i njohur po planifikon të ndjekë veprime ligjore kundër akuzueses. Foxx synon të ndjekë rrugë ligjore dhe ka një kërkesë për ndjekje penale kundër këtij personi dhe avokatëve të saj për rideklarimin e këtij veprimi të shëmtuar dhe jo serioz.