Mëngjesi, i konsideruar gjërësisht si vakti më i rëndësishëm i ditës, vendos ritimin për një fillim të shëndetshëm pas zgjimit nga gjumi dhe siguron ‘karburantin’ e nevojshëm për të filluar ditën. Mëngjesi rifurnizon trupin me energji pas orëve të gjumit, rregullon nivelin e glukozës dhe aktivizon metabolizmin. Këto ndihmojnë në menaxhimin e peshës dhe funksionimin e përmirësuar kognitiv.

Çfarë mund të hani për mëngjes?

Opsionet e mëngjesit ndryshojnë nëpër kultura të ndryshme si dhe nga preferencat personale. Nga ushqimet si veza, proshuta, djathi dhe buka e deri, tek ushqimet më lehtë si kosi, tërshëra, drithërat, mundësitë janë të pafundme për mëngjesin tuaj. Një mëngjes ideal përfshin një balancë të makronutrientëve si proteina, karbohidrate dhe yndyrna të shëndetshme, së bashku me vitamina dhe minerale. Ky kombinim mban në nivelin e duhur energjitë tuaja për aktivitetet e ditës. Nëse ka diçka që duhet të shmagni për mëngjes janë sheqernat dhe ushqimet e përpunuara.

Ndikimi në shëndet

Konsumimi i rregullt i mëngjesit është e lidhur me shumë përfitime për shëndetin, duke përfshirë këtu, përmirësimin e kujtesës, si dhe rrezikun më të ulët për sëmundje kronike si diabeti apo problemet me zemrën. Pra mëngjesi nuk është vetëm një vakt, por një ritual që vendos ritmin për ditën që na pret përpara. Fillimi i ditës me një mëngjes të shëndetshëm vendos bazën për një ditë produktive dhe të qëndrueshme me energji.

Ndërkaq, çfarë hanë në mëngjes mjekët që kujdesen për zemrën e njerëzve? Dy mjekë kardiologë treguan zakonet e tyre të mëngjesit dhe gabimet më të rëndësishme të bëra nga pacientët. Shumë njerëz kanë një cungim të jashtëzakonshëm të kohës në mëngjes dhe shpesh kërkojnë ushqime si bukë dhe drithëra të përpunuara.

Por, nga ana tjetër, përveç kequshqyerjes, janë të shumtë njerëzit, të cilët për arsye të ndryshme, kryesisht kohe, e shmangin fare mëngjesin duke menduar që po bëjnë mirë. Çfarë hanë vetë kardiologët për mëngjes? Të dy mjekët përmendën tërshërën si mëngjesin e tyre të preferuar. Sipas Shoqatës Amerikane të Zemrës, tërshëra përmban shumë fibra, vitamina dhe minerale dhe hulumtimet e lidhin atë me uljen e kolesterolit dhe ndihmën për kontrollin e peshës.