Jada Pinkett Smith ka pohuar se ajo dhe Will Smith do të jenë përgjithmonë bashkë, pavarësisht çfarë kanë ndodhur mes tyre dhe që për to kanë qenë disa muaj tepër sfidues.

Gjithçka duket se ka qenë mjaft e vështirë për çiftin në sytë e publikut.

Rikujtojmë se aktorja zbuloi disa javë më parë se ajo dhe Will Smith ishin ndarë që nga viti 2016, por ata në fakt nuk kishin ndjekur procedura ligjore dhe një divorc, pavarësisht se bënin jetë kryesisht të ndara.

Ajo ka qenë e ftuar së fundmi në një episod të The Drew Barrymore Show dhe ka theksuar sërish se ata do të qëndrojnë përgjithmonë bashkë.

Detajet tronditëse në lidhje me marrëdhënien e tyre dolën në pah kur Pinkett Smith publikoi librin e saj të kujtimeve, ‘Worthy’.

52-vjeçarja në tetor bisedoi me Hoda Kobt dhe shpjegoi se ajo dhe Will bënë një premtim se nuk do të ketë kurrë arsye për t’u divorcuar, prandaj ata janë ende duke punuar për lidhjen e tyre.

Për sa i përket Will-it, marrëdhënia ime me të, ju e dini, ne kaluam atë periudhë të gjatë ndarjeje… në mënyrë që ne të udhëtonim veçmas dhe të bënim disa udhëtime së bashku.

Duket sikur kemi ardhur në një vend vërtet, vërtet të bukur së bashku, kështu që unë jam e lumtur. Po, ja ku jam. Në këtë kapitull të jetës sime, më në fund jam e lumtur.

Ajo foli edhe për incidentin mes Will dhe Chris Rock në Oscars në vitin 2022, ku bashkëshorti i saj e qëlloi me shuplakë komedianin në skenë.

“Unë e dua Will ashtu siç është. Kam mësuar të dua dhe të përqafoj Chris… ashtu siç është, dhe veten time gjithashtu. Kjo është ajo që bëhet fjalë. Ne jemi të gjithë këtu duke u përpjekur ta kuptojmë.”