Ish-banorja e “Big Brother VIP Albania”, Efi Dhedhes, megjithëse nuk ka qenë aktive në televizione që pas eksperiencës në reality show, e shohim shpesh të postojë në rrjetet sociale.

Mirëpo në një video që vetë Efi postoi së fundmi, bukuroshes i shihej paksa barku dhe kaq mjaftoi që ndjekësit të ngrinin dyshimet (nuk u vëmë faj) se ajo është shtatzënë.

Të shumtë kanë qenë mesazhet që Efi ka marrë në Instagram, referuar një shtatzënie të mundshme, duke e detyruar atë të bëjë një reagim publik.

“S’guxon robi të vë ‘içik’ bark. Direkt, je shtatzënë? Jo nuk jam shtatzënë, kam vënë bark edhe e dua barkun tim”, tha Efi.