Aksionet e Google janë rritur së fundmi me më shumë se 5%. Rritja vjen një ditë pasi kompania njoftoi modelin e saj më të fundit të inteligjencës artificiale të quajtur Gemini. Ky model pritet të konkurrojë me produktet nga OpenAI, Microsoft dhe Meta.

Analistët në Bank of America thanë se Alphabet’s ka qenë nën presion nga shqetësimet mbi aftësitë e AI të Google këtë vit. Ndërkaq, një model konkurrues “i markës së mirë” mund të ketë avantazhe për aktivitetin e tij të kërkimit të konsumatorëve dhe shitjet e ndërmarrjeve në Cloud.  Megjithatë, është ende e paqartë që Google planifikon të fitojë para nga Gemini përmes të gjitha produkteve të tij në afat të gjatë, megjithëse do të fillojë duke liçencuar Gemini për klientët përmes Google Cloud më vonë këtë muaj.

Introducing Gemini 1.0, our most capable and general AI model yet. Built natively to be multimodal, it’s the first step in our Gemini-era of models. Gemini is optimized in three sizes – Ultra, Pro, and Nano

Gemini Ultra’s performance exceeds current state-of-the-art results on… pic.twitter.com/pzIw6iCPPN

— Sundar Pichai (@sundarpichai) December 6, 2023

Gemini është produkti më i fundit i Google, të cilin Pichai e prezantoi për herë të parë në konferencën e zhvilluesve I/O në qershor dhe tani po lançohet për publikun. Lançimi i tij është një hap i madh përpara në një model të AI që përfundimisht do të ndikojë praktikisht në të gjitha produktet e Google. Por Gemini 1.0 nuk është më shumë se një model i vetëm i AI.

Ekziston një version më i lehtë i quajtur Gemini Nano që është menduar të ekzekutohet në mënyrë origjinale dhe offline në pajisjet Android. Ekziston një version më i fortë i quajtur Gemini Pro që së shpejti do të fuqizojë shumë shërbime të Google AI dhe është “shtylla” e Bard. Dhe ekziston një model edhe më i aftë i quajtur Gemini Ultra që është më i fuqishëm që Google ka krijuar ende dhe duket se është projektuar kryesisht për qendrat e të dhënave dhe aplikacionet e ndërmarrjeve. Rikujtojmë, se OpenAI lançoi ChatGPT një vit më parë.