Kompanitë farmaceutike kanë filluar ditën e sotme fazën e fundit të provave për trajtimin e kombinuar të kancerit “mRNA”, i cili konsiston në përdorimin e ilaçit specifik tek pacientët me një lloj kanceri të mushkërive.

Terapia “V940” i përket një sërë trajtimesh të përshtatura, në varësi të pacientëve për të gjeneruar qelizat “T”, të cilat shërbejnë si përgjigje imunitare e trupit ndaj mutacionit të tumorit.

“Rekrutimi i pacientëve të parë që do t’i nënshtrohen terapisë eksperimentale ka filluar në mbarë botën”, thanë kompanitë.

Kompanitë farmaceutike që po merren me këto trajtime u mbyllën në korrik. Gjatë atij muaji u finalizuan fazat e fundit të trajtimit, të pacientëve me melanoma, formën më vdekjeprurëse të kancerit të lëkurës.

Ugur Sahin, themeluesi i  ‘BionTech’ në një intervistë dhënë për gazetën gjermane ‘Bild’, shpreson gjithashtu se vaksinat e para të personalizuara të bazuara në mRNA kundër kancerit mund të miratohen përpara vitit 2030.

 ‘Ne marrim mostra gjaku dhe tumori nga pacienti dhe katër javë më vonë bëjmë vaksinën e personalizuar. “Dhe jo vetëm në 100 pacientë, por për dhjetëra mijëra pacientë në vit,” është shprehur Sahin.

Në tetor, kompania njoftoi rezultatet e provës së parë klinike të kombinimit të një vaksine kanceri të bazuar në mRNA dhe terapisë së qelizave T CAR.

Tumoret ndaluan së rrituri në pothuajse të gjithë pacientët dhe u tkurrën në gati dy të tretat.