Qeveria amerikane ka vendosur sot sanksione ndaj tetë zyrtarëve të Hamasit, si masën e fundit ndëshkuese pas sulmit të 7 tetorit ndaj Izraelit.

Raundi i ri i sanksioneve të Departamentit të Thesarit të SHBA-së synon zyrtarët kryesorë.

Kjo përfshin: Ismail Barhum, anëtar i Byrosë Politike të Hamasit, i cili “ka funksionuar si shef i departamentit rajonal të financave”.

Haroun Nasser Al-Din, kreu i Hamasit në Zyrën e Jerusalemit, e cila ka qenë një nga operativët kryesorë financiarë të Hamasit në Turqi.

Ali Baraka, kreu i Marrëdhënieve Kombëtare të Hamasit me bazë në Liban.

Xhihad Yaghmour, përfaqësues zyrtar i Hamasit në Turqi. Sanksionet e së mërkurës u vendosën në koordinim me Mbretërinë e Bashkuar. Ato janë raundi i katërt i sanksioneve të vendosura nga SHBA që nga 7 tetori.

Izraeli, i cili rifilloi operacionin e tij ushtarak kundër Hamasit pas një armëpushimi 7 ditor, beson se ofensiva e tij që synon Gazën jugore, dhe veçanërisht Khan Younis, duhet të ushtrojë presion shtesë mbi Hamasin që mund të rezultojë të jetë i dobishëm në lirimin e më shumë pengjeve. Disa zyrtarë amerikanë pajtohen me idenë se presioni ushtarak mund të ketë efektin që ta kthejë përfundimisht Hamasin në tryezën e bisedimeve.