Disa raketa janë lëshuar nga Gaza në drejtim të Izraelit, duke aktivizuar “Kupolën e Hekurt” të Izraelit; sikurse njihet ndryshe sistemi i mbrojtjes ajrore izraelite.

Të paktën tre raketa u kapën mbi Jerusalem, thanë dëshmitarët.

Forcat e Mbrojtjes të Izraelit (IDF) thanë në një postim në X se: “Pas 70 ditësh gjuajtje me raketa pa ndalim në të gjithë vendin, me hyrjen e Shabatit, sirenat po bien në Jerusalem”.

Shabati është dita e pushimit hebre dhe zhvillohet çdo javë nga perëndimi i diellit të premten deri në perëndim të diellit të shtunën.

Ushtria izraelite ka njoftuar edhe vdekjen e një komandanti izraelit tank në luftime tokësore në Rripin jugor të Gazës. Major Shai Oriel Bezem, 23 vjeç, një ushtar rezervë që shërben si komandant tankesh në Batalionin e Nëntë, u vra në një betejë në Rripin jugor të Gazës.

Ushtria izraelite, në faqen e saj zyrtare, tha se ky lajm sjell numrin e përgjithshëm të ushtarëve dhe oficerëve të vrarë që nga fillimi i konfliktit më 7 tetor në 449, duke përfshirë 118 viktima që nga fillimi i betejave tokësore në brez më 27 tetor, raportojnë mediat turke.

Që nga 7 tetori, të paktën 18,787 palestinezë janë vrarë dhe 50,897 të plagosur në sulmet izraelite në Rripin e Gazës, sipas autoriteteve shëndetësore të Gazës.