Prokuroria e Milanos ka hapur një dosje për Chiara Ferragnin pasi doli në dritë mashtrimi i saj me pandoro “Balocco”.

Ankesa është paraqitur nga shoqata për të drejtave të përdoruesve dhe konsumatorëve “Codacons” dhe shoqata për solidaritetin social dhe mbrojtjen e të drejtave civile “Assourt”.

Në këtë moment dosja është model 45 (pa hipotezë krimi dhe pa të dyshuar) dhe çdo hetim do t’i besohet Policisë Financiare.

Sipas “Codacons”, klientët që kanë blerë pandoron me një çmim prej rreth 9 euro kanë të drejtë të kërkojnë rimbursim të parave të paguara, “duke marrë parasysh se blerja është bërë në bazë të informacionit të pavërtetë të lidhur me destinacionin e të ardhurat nga shitjet”. Fushata tashmë i ka kushtuar influencuesit Ferragni një gjobë nga Antitrust.

Deri tani, nuk ka asnjë ankesë në lidhje me shitjen e vezëve të Pashkëve të sponsorizuara më parë nga sipërmarrësja. Chiara Ferragni, shkruan “Codacons”, do të thirret “të përgjigjet për krimin e mundshëm të mashtrimit të rëndë, me kërkesën për të sekuestruar llogaritë e kompanive të saj për të mbrojtur veprimet e dëmshpërblimit nga konsumatorët që kanë blerë pandoron. Shoqata e konsumatorëve ka paraqitur “një ankesë pranë 104 Prokurorive Publike në të gjithë Italinë duke kërkuar që të vlerësojnë hapjen e një hetimi për profile të mundshme kriminale pas sanksionit të vendosur nga Antitrust.

Ndërkohë, në këshillin e qytetit në Milano, kreu i grupit të “Fratelli d’Italia”, Riccardo Truppo njoftoi një mocion për të kërkuar tërheqjen e meritës qytetare të “Ambrogino d’Oro” (nderimi më i lartë që i bëhet dikujt nga Bashkia e Milanos për aktivitetet e bamirësisë), dhënë në vitin 2020 çiftit Fedez-Ferragni.

Ata u nderuan me këtë titull në dhjetor 2020, pas mbledhjes së fondeve prej 4 milionë eurosh për të zgjeruar njësinë e kujdesit intensiv të spitalit “San Raffaele”.