Të paktën 14 persona nga Rusia, Bjellorusia dhe Ukraina u shpallën fajtorë nga një gjykatë në Poloni nën akuzën e spiunazhit.

Gjykata i konsideroi të pandehurit fajtorë për një seri akuzash, mes të cilave kryerjen e akteve të sabotazhit dhe spiunazhit për llogari të Rusisë kundër Polonisë.

Sipas gjyqtarit Jaroslav Kovalski, i cili lexoi vendimin, disa prej tyre punonin sikur të ishin një organizatë kriminale, më tepër sesa një rrjet spiunazhi, që tashmë është i çmontuar.

Mes operacioneve që po përgatiteshin prej të pandehurve ishin dëmtimi i autokolonave me ndihma për Ukrainën, si dhe mbikëqyrja e instalacioneve ushtarake dhe infrastrukturës së rëndësishme në Poloni.

Dënimet variojnë nga një muaj deri në 6 vite burg. Ndërkohë, dy anëtarë të tjerë të rrjetit, të vetmit që tërhoqën deklaratat paraprake për fajësinë e tyre, do të gjykohen më vete.

Zgjedhjet e tetorit në Poloni panë një koalicion të udhëhequr nga Donald Tusk të fitojë shumicën e vendeve me një pjesëmarrje rekord prej më shumë se 70%.

Grupi përbëhet nga tre parti, Koalicioni Qytetar i Tusk (KO), Rruga e Tretë dhe e Majta.

PiS qeverisëse e Morawiecki doli si partia e vetme më e madhe pas zgjedhjeve, por partitë e tjera refuzuan të punonin përkrah saj dhe nuk ishte në gjendje të formonte një shumicë në parlament.