Probleme të caktuara shëndetësore mund të na detyrojnë të heqim dorë nga disa produkte në dietën tonë ushqimore. Sipas Departamentit Amerikan të Bujqësisë (USDA), në një porcion prej 100 gramë gjalpë kikiriku, do të gjeni 22,5 gramë proteina, 4,8 gramë fibra dhe një mori vitaminash dhe mineralesh, duke përfshirë kaliumin, kalciumin, magnezin, fosfor etj. I pasur me antioksidantë, yndyra të shëndetshme dhe karbohidrate, gjalpi i kikirikut mund të jetë i shijshëm dhe ushqyes. Por, ka disa raste në të cilat gjalpi i kikirikut mund të jetë i dëmshëm për shëndetin e atyre që e konsumojnë.

Në mënyrë të veçantë, gjalpi i kikirikut mund të kthehet në rrezik mbytjeje për njerëzit e diagnostikuar me një gjendje të njohur si disfagi. Një person me disfagi ka probleme me gëlltitjen. Më shpesh ndodh tek të rriturit e të moshuarit, por gjendja mund të vijë nga dëmtimi i nervave ose muskujve në fyt, bllokimet nga tumoret e ezofagut, si dhe inflamacioni dhe plot shkaqe të tjera. Ekspertët thonë që personat me këtë diagnozë duhet të shmangin konsumin e gjalpit të kikirikut për të minimizuar incidentet e mbytjes së mundshme.

Ata theksojnë sesi natyra ngjitëse e gjalpit të kikirikut mund ta bëjë të lehtë atë që të ngecë në rrugët e frymëmarrjes dhe më pas të pengojë frymëmarrjen. Kikirikët janë një ushqim i kripur, që përmbajnë një mori lëndësh ushqyese kryesore, duke përfshirë antioksidantë, magnez, folate, fibra e të tjerë.

Shkencëtarët nga “Instituti i Ushqimit dhe Shkencave Bujqësore” të Universitetit të Florida-s, zbuluan se kikirikët rivalizojnë shumë fruta. Por, kikirikët përmbajnë më shumë sesa thjesht antioksidantë. Kikirikët kanë një indeks të ulët glicemie, i cili ndihmon për të parandaluar rritjen e sheqerit në gjak. Kjo gjë zvogëlon nevojën për insulinë. Gjithashtu kikirikët mund të ndihmojnë në mbajtjen e sheqerit në gjak të stabilizuar gjatë natës, gjë me të cilën luftojnë shumë diabetikë.