Puçrrat janë më agresive gjatë pubertetit, por mund të shkaktojnë probleme edhe më vonë, në varësi të llojit dhe mënyrës se si trajtohen. Fatkeqësisht, 27% e atyre që kanë akne kanë të bëjnë me aknet mykore dhe për ta trajtimi është pak më ndryshe.

Aknet mykore janë një gjendje e lëkurës që shpesh ngatërrohen me puçrrat e zakonshme. Aknet mykore shkaktohen nga një kërpudhë që jeton natyrshëm në lëkurë e njohur si Malassezia. Janë pjesë e mikrobiomës natyrale të lëkurës. Megjithatë, kërpudhat mund të shkaktojnë inflamacion në folikulat e lëkurës, duke çuar në njolla të dukshme.

Një tjetër ndryshim është se aknet mykotike kanë një pamje shumë uniformë. Ndodh shpesh që të mos i përgjigjen produkteve të zakonshme të pastrimit të fytyrës. Gjithashtu, produktet me bazë vaji mund të shkaktojnë ënjtje të akneve, sepse me këtë ushqehen. Pra, djersa, nxehtësia, lagështia dhe fërkimi janë shkaqet më të zakonshme të akneve mykotike.

Një mjedis i lagësht, medikamente të tilla si antibiotikët ose sëmundjet themelore kontribuojnë gjithashtu në shfaqjen e akneve mykotike. Por shkaku më i zakonshëm është shpesh prodhimi i tepërt i sebumit, veçanërisht në zona të tilla si balli, anët e hundës, mjekra dhe pjesa e sipërme e shpinës dhe gjoksit. Ekspertët rekomandojnë produkte me bazë uji, jo me bazë vaji. Kur bëhet fjalë për kujdesin e lëkurës, mjeku dhe eksperti i kujdesit për lëkurën David Jack rekomandon pastrimin dy herë në ditë dhe përdorimin e përbërësve me cilësi të lartë që rrisin mikrobiomën.

Acidet alfa-hidroksi dhe polihidroksi (AHA dhe PHA), acidi mandelik-laktik, ceramidet ose acidi hialuronik janë përbërës që mund të lehtësojnë aknet mykotike. Ndërkaq, pas dushit, kremrat me përbërës të tillë si bakri, zinku ose ureja janë të shkëlqyera. Këto produkte ndihmojnë në hidratimin dhe reduktimin e inflamacionit dhe tharjen e shpejtë të akneve. Përveç kujdesit në sallonet e bukurisë, pastrimit të fytyrës dhe trajtimit me dritë LED, oksigjen ose acide, kujdesi në shtëpi është gjithashtu i rëndësishëm.