Fatkeqëisht ka ndërruar jetë në moshën 48-vjeçare aktori koreano-jugor Lee Sun-kyun, i njohur më së shumti për rolin e tij në filmin fitues të çmimit Oscar “Parasite”. I ndjeri është gjetur i vdekur në makinën e tij në një nga parqet kryesore të Seulit. Është e paqartë nëse Lee vrau vetën, por policia tha se kishte marrë një raport se ai ishte larguar nga shtëpia dhe kishte lënë një shënim. Ai ka qenë nën hetim si i dyshuar për përdorim të drogës që nga tetori.

Së fundmi, bashkëshortja e të ndjerit Jeon Hye-jin, thirri policinë pasi gjeti një shënim vetëvrasjeje. Lee po hetohej nga policia për akuza për përdorim të marihuanës. Pas lajmeve të një hetimi zyrtar në lidhje me përdorimin e dyshuar të drogës të bërë publike në fund të tetorit, ai u përjashtua nga projektet e mëdha, duke përfshirë një serial thriller, të titulluar “No Way Out”, që filloi xhirimet atë muaj. Kompania prodhuese e serialit synonte ta shkarkonte atë pasi policia tha se mund të kenë nevojë për një mostër të flokëve të tij për testimin e drogës.

Tre paraqitjet e tij në stacionin e policisë për pyetje bënë tituj nëpër media të ndryshme. Aktori ishte i martuar dhe kishte dy djem me aktoren Jeon Hye-jin. Ai luajti në rolin kryesor në dhjetëra filma dhe shfaqje televizive, duke u bërë një emër i njohur gjatë viteve 2010. Kyun fitoi famë ndërkombëtare si Park Dong-ik në “Parasite”.

Filmi mori katër çmime në Oscars 2020, duke përfshirë filmin më të mirë duke u bërë filmi i parë në gjuhë të huaj që fitoi çmimin. Lee nuk është i vetmi personazh i famshëm koreano-jugor që ishte në hetim për përdorim droge kohët e fundit. Në fillim të këtij muaji, ylli i popit G-Dragon u lirua nga akuzat pas disa javësh hetimesh. Aktori Yoo Ah-in aktualisht është në gjyq për përdorim droge.