Japonia u trondit nga një tërmet me magnitudë 7.5 ballë të hënën, i cili la të paktën katër persona të vdekur dhe dy të tjerë të plagosur rëndë, sipas zyrtarëve. Tërmeti goditi në orën 16:10 me orën lokale në thellësi prej 10 kilometrash në gadishullin Noto të prefekturës Ishikaëa, sipas Shërbimit Gjeologjik të Shteteve të Bashkuara.

Tërmeti shembi ndërtesa, shkaktoi zjarre dhe shkaktoi alarme për cunami deri në Rusinë lindore, duke nxitur urdhra për banorët që të evakuohen në zonat e prekura bregdetare të Japonisë. Pas tërmetit, autoritetet lëshuan paralajmërime për cunami për banorët e Japonisë perëndimore. Paralajmërimet për cunami lëshohen kur valët priten të jenë deri në 3 metra, ndërsa valë cunami prej rreth 1.2 metrash u raportuan në Wajima City, tha transmetuesi publik japonez NHK.

Të paktën 1,400 pasagjerë janë bllokuar brenda trenave me shpejtësi të lartë më shumë se 10 orë pasi tërmeti tronditi rajonin.

Tërmeti të hënën shkatërroi autostradat në Japoninë perëndimore, shembi ndërtesa, shkaktoi zjarre dhe ndërpreu komunikimet. Të paktën 33,000 familje u prekën nga ndërprerjet e energjisë, tha shefi i kabinetit japonez Hayashi Yoshimasa, sipas NHK.

Të paktën 8,500 personel ushtarak janë në gatishmëri për të ndihmuar në përpjekjet emergjente pas tërmetit, tha Ministri i Mbrojtjes i Japonisë, Minoru Kihara. Zyrtarët shëndetësorë në qytetin Suzu thanë se:

Disa mjekë nuk mund të trajtonin pacientët e plagosur për shkak të rrugëve të dëmtuara.