Taylor Swift nuk e priti aspak mirë shakanë që bëri prezantuesi i Golden Globes Jo Koy gjatë ceremonisë. Koy bëri një shaka për vëmendjen e madhe që po i japin të gjithë lidhjes së re të Taylor Swift me futbollistin amerikan Travis Kelce. “Diferenca e vetme mes Golden Globes dhe NFL (futbolli amerikan) është se në Golden Globes kamerat e filmojnë më pak Taylor Swift“,-tha prezantuesi me humor dhe shtoi: “Ju betohem ka më shumë për t’u parë”. Këngëtarja nga reagimi që bëri la të kuptohej se nuk i pëlqeu fare shakaja.

 

View this post on Instagram

 

A post shared by Ellie Zimmerman 🐍♥️ (@swifttitude)

Rikujtojmë se lidhja e Swift me Travis Kelce ishte një romancë që bashkoi tifozët e sportit dhe muzikës. Transmetuesit e sportit llogaritën efektin e Swift-it në statistikat e lojës së Kelces dhe shikueshmërinë televizive, revistat kombëtare ofruan afate gjithëpërfshirëse të takimeve dhe fansat e Swift kërkuan postimet e vjetra të Kelces në mediat sociale për t’u siguruar që ai ishte i përshtatshëm për mbretëreshën e tyre. Në turneun në Buenos Aires, 34-vjeçarja ndryshoi një tekst nga “Karma is the guy on the screen” në “Karma is the guy on the Chiefs”. Fansat u çmendën kur ajo u hodh në krahët e Kelces për një puthje ikonike pas koncertit.

Ndërkaq, “Eras Tour” i Taylor është turneu i parë që kapërcen kufirin e miliarda dollarëve, sipas grafikëve të fundit të vitit 2023 të Pollstar. Jo vetëm që turneu historik i Swift ishte numër 1 në mbarë botën dhe në Amerikën e Veriut, por ajo gjithashtu solli një shumë të madhe rreth 1.04 miliardë dollarë me 4.35 milionë bileta të shitura në 60 data të turneut. Të dhënat e Pollstar janë nxjerrë nga raportet e arkës, vlerësimet e kapacitetit të vendit të ngjarjes, të dhënat historike të shitjeve të biletave të vendit dhe kërkime të tjera të papërcaktuara, të mbledhura nga 17 nëntor 2022 deri më 15 nëntor 2023.