Ish-kryeministrja e Zelandës së Re, Jacinda Ardern është martuar me partnerin e saj Clarke Gayford në një ceremoni të vogël private në North Island. Çifti kishte ndërmend të kurorëzonte lidhjen në martesë në vitin 2022, por e anuloi gjatë kufizimeve të rrepta COVID-19 që qeveria e Ardern vendosi në vend.

Ajo mbajti një fjalim pesë minutësh për të ftuarit në dasmën e saj. Çifti janë bashkë prej një dekade dhe kanë së bashku një vajzë pesëvjeçare, Neve. Ardern kishte veshur një fustan prej fildishi nga stilistja Juliette Hogan, e cila thuhet se është një mike e ngushtë e ish-kryeministrit, dhe një vello të gjatë të mbështjellë në një model flokësh mjaft elegant.

Këpucët e saj janë nga stilisti i Mount Maunganui Chaos and Harmony, raporton New Zealand Herald. Ajo mbante një buqetë me lule të bardha.

Vajza e tyre hyri në ceremoni me të atin, ajo kishte veshur një fustan të veçantë me detaje nga fustani i nusërisë së gjyshes së saj Laurell Ardern. 43-vjeçarja shërbeu si kryeministre e Zelandës së Re për më shumë se pesë vjet dhe njoftoi se do të jepte dorëheqjen nga posti publik janarin e kaluar.

Ajo fitoi njohje ndërkombëtare për stilin e saj të udhëheqjes, veçanërisht pas një sulmi masiv vdekjeprurës në dy xhami në Christchurch në 2019. Në fjalimin e saj të fundit në parlament, Ardern i tha prezantuesit televiziv 47-vjeçarit Gayford:

Le të martohemi më në fund.

Që prej dorëheqjes, ajo ka marrë tre bursa në Universitetin e Harvardit. Ardern është gjithashtu një administruese e çmimit Earthshot të Princit William dhe një e dërguar speciale për thirrjen në Christchurch, një rrjet që kërkon të “eliminojë përmbajtjen terroriste dhe të dhunshme ekstremiste në internet” që u krijua pas të shtënave në Christchurch.