“A duhet të mbyllet TikTok?”. Kjo ishte pyetja që u ngrit një ditë më parë në rubrikën “Trotuar” në “E Diell”, Top Channel. Një ndër të ftuarit ka qenë edhe stilisti i njohur, Niko Komani.

Ky i fundit shprehet se gjatë edicionit të dytë të “Big Brother VIP”, ka marrë shumë kërcënime pasi mbështeste Kiara Titon dhe Luiz Ejllin në këtë rrjet social. Sipas Komanit, edhe pse ka 12 vite karrierë mbi shpatulla, shumë njerëz e njohin atë vetëm për shkak të komenteve të tij që bënte për “Big Brother”. Ndër të tjera Niko deklaroi:

Në “Big Brother” vjet unë mbaja anën e Kiarës dhe Luzit, kishte pafund njerëz që dinin ku jetoja, kishin fotografuar ballkonin tim, shtëpinë time, haja kërcënime, më merrnin nëpër telefon. Atëherë nuk isha në dijeni në TikTok, cilët personazhe merreshin me “Big Brother”, pra rashë në kurth jo, por pata disa debate me disa persona që ju dukej absurde që një stilist merrej me “Big Brother”. Pra bullizohet, bullizohet, por mendoj që nuk e ka fajin aplikacioni sesa e ke fajin ti që merresh apo se sa i fortë je ti që merresh me atë aplikacion. Mua nuk më ka ndikuar kjo gjë. Unë kam 12 vite karrierë në kurrizin tim dhe për disa u njoha gjatë “Big Brother” dhe është turp, por…