Përdhunuesi famëkeq Josef Fritzl mund të lirohet së shpejti nga burgu pasi një ekspert vendosi se ai nuk është më një rrezik për publikun. 88-vjeçari, u dënua me burgim të përjetshëm në vitin 2009 pasi pranoi se e kishte mbajtur vajzën e tij Elisabeth të mbyllur në bodrumin e shtëpisë së familjes, si skllave të seksit për 24 vjet. Si pasojë e kësaj vajza e Josef lindi shtatë fëmijë nga babai i saj. Mediat lokale raportuan se Fritzl tani duket i hutuar, flet rregullisht me televizionin, mendon se është një yll i popit dhe flet për vizita nga të afërmit që nuk kanë ndodhur kurrë.

Frizl do të ketë të drejtë për lirim me kusht këtë vit pasi një raport i ri psikiatrik thotë se ai nuk është më i rrezikshëm. Fritzl e joshi vajzën e tij në bodrum kur ajo ishte 18-vjeçe. Gruaja e tij, Rosemarie, e denoncoi si të zhdukur, por Fritzl i dorëzoi policisë një letër nga Elisabeth, duke thënë se ajo thoshte se po qëndronte me një mik dhe nuk donte të gjendej.

Çështja Fritzl u shfaq në prill të vitit 2008 pasi Elisabeth i tha policisë se ishte mbajtur rob për 24 vjet kur u lejua të dilte nga qelia dhe u dërgua në spital. Josef tani mund të lëvizë vetëm me ndihmën e një karroce dhe nuk ka më asnjë rrezik që ai të kryejë ndonjë aktivitet kriminal.