Kristjan Asllani e ka pasur jo të lehtë të fitojë minuta në ekipin e Interit, kjo dhe për shkak të yjeve që ndodhen në atë ekip. Mesfushori kuq e zi bëri paraqitje fantastike me Shqipërinë duke fituar edhe besimin e trajnerit të Interit, Simone Inzagi. Ai i ka dhënë më shumë minuta këtë sezon futbollistit shqiptar.  Ndaj Monzas, ai u aktivizua në minutën e 62-të duke marrë vendin e Çalhanoglut, ndërsa në sfidën e radhës në Serie A, atë kundër Fiorentinës, pritet ta nisë nga minuta e parë. Regjisori turk ka plotësuar numrin e kartonëve dhe nuk do të jetë në fushë, ndërsa sipas mediave italiane vendin e tij do ta marrë Asllani. Kjo është një tjetër provë e fortë për mesfushorin kuqezi për të vërtetuar se është gati për të marrë çelësat e mesfushës.

Rikujtojmë se vetëm pak ditë më parë, Mbrojtësi dhe shoku i ekipit të Kristjan Asllanit tek Interi, Françesko Açerbi ka folur rreth ndeshjeve që Italia do të ketë në kampionatin evropian. I intervistuar nga “Che fatica fa la vita del bomber” Françesko Açerbi ka analizuar jo vetëm Kristjan Asllanin si shokun e tij të skuadrës (rival me Shqipërinë në Europian), por edhe rivalët e ardhshëm të tij, Alvaro Moratën që do ta ndeshë si me Atletikon e Madridit në Ligën e Kampioneve dhe me Spanjën në Europian. Po ashtu, edhe yllin e Realit të Madridit dhe Kroacisë, Luka Modriç, me të cilin do të përballet në Gjermani. Zbulojeni duke klikuar këtu se çfarë tha mbrojtësi zikaltër, sa i përket përballjes me Shqipërinë dhe shokun e tij Kristjan Asllani!