Aksidentet vazhdojnë të përgjakin rrugët shqiptare. Mëngjesin e sotëm një person gjeti vdekjen në Vorë. Në fshatin Muçaj, shtetasi 64-vjeç me inicialet A.A, dyshohet se humbi kontrollin e automjetit që drejtonte, çka rezultoi fatale.

Makina doli jashtë rruge e përfundoi në një kanal. Sipas policisë, shkak mund të ketë qenë pagjumësia, por nuk përjashtohen edhe problemet shëndetësore. Grupi hetimor po punon për sqarimin e rrethanave të aksidentit.

Njoftimi i policisë:

Më datë 18.01.2024, në rrugën e fshatit Muçaj, shtetasi A.A., 64 vjeç, dyshohet se ka humbur kontrollin mbi automjetin që drejtonte, dyshohet për shkak të pagjumësisë, ose problemeve shëndetësore, i cili ka dalë nga rruga dhe ka rënë në kanal.

Për pasojë, drejtuesi i automjetit ka humbur jetën në vendngjarje. Grupi hetimor po punon për sqarimin e rrethanave të aksidentit.