ChatGPT ka fituar popullaritet të madh në mesin e përdoruesve që kur u lançua në nëntor të vitit të kaluar. Megjithatë, ekzistojnë disa rregulla që duhet t’i zbatoni nëse dëshironi ta përdorni platformën, pasi ekziston edhe limiti në gjërat që kërkoni.

Në rast se dëshironi që platforma të bashkëpunojë me ju mos e pyetni chatbotin për çështje si aktivitete ilegale, material për abuzim seksual të fëmijëve ose çdo përmbajtje që shfrytëzon ose dëmton fëmijët, gjenerimi i përmbajtjeve të ngacmuese, të dhunshme ose shkaktojnë urrejtje, gjenerimi i malware, aktivitete që kanë rrezik të lartë të dëmtimit fizik, veprimtari që ka rrezik të lartë të dëmtimit ekonomik, veprimtari mashtruese, përmbajtje për të rritur, industri për të rritur dhe aplikacione takimesh, fushata politike apo lobim, aktivitet që cënon privatësinë e njerëzve, angazhimi në praktikën e paautorizuar të ligjit, ose ofrimi i këshillave ligjore të përshtatura pa një person të kualifikuar që shqyrton informacionin, ofrimi i këshillave financiare të përshtatura pa një person të kualifikuar që shqyrton informacionin, t’i thuash dikujt që ka ose nuk ka një gjendje të caktuar shëndetësore, ose të japë udhëzime se si të kurojë ose trajtojë një gjendje shëndetësore.

Pavarësisht shqetësimeve fillestare se prezantimi i ChatGPT mund të çonte në rritjen e kopjimit në shkollat e mesme, një studim i fundit i Stanford-it zbulon se shkalla e mashtrimit midis nxënësve të shkollave të mesme ka mbetur statistikisht e pandryshuar ose edhe paksa e ulur. Studimi, i kryer përmes një sondazhi anonim në 40 shkolla të mesme amerikane, zbuloi se afërsisht 60% deri në 70% e nxënësve përfshihen në sjellje kopjimi, një përqindje në përputhje me vitet e mëparshme.

Victor Lee, drejtuesi i fakultetit të Stanford për AI (Inteligjencës Artificiale) theksoi se ndërsa ka raste të izoluara të AI që përdoret për kopjim, provat e përgjithshme sugjerojnë një ndikim minimal te nxënësit e shkollave të mesme. Studimi theksoi gjithashtu se vetëm 19% e adoleshentëve të moshës 13 deri në 17 vjeç kanë përdorur ChatGPT për detyrat e shkollës.