Fatkeqësisht ka ndërruar jetë në moshën 81-vjeçare këngëtarja e njohur e Jazz-it dhe R&B, Marlena Shaw. Shaw, e njohur më së shumti për këngët e saj hit “California Soul” dhe “Woman of the Ghetto”, lindi në New Rochelle në vitin 1942 dhe interpretoi në Teatrin Apollo të Harlemit kur ishte vetëm 10-vjeçe.

E ndjera u bë e njohur në vitet 1960 pasi u zbulua nga Chess Records dhe publikoi 17 albume. Ndër hitet e Shaw ishin “Feel Like Making Love”, “Loving You Was Like A Party”, “Is You or Is You Ain’t My Baby” dhe “Go Away Little Boy”. Shkaku i vdekjes ende nuk është bërë i ditur.