Askush nuk e kishte menduar dhe nuk e kishte pritur se Kim Kardashian do të rikthehej sërish tek marka e njohur Balenciaga pas polemikave të krijuara kohë më parë. Ajo ka marrë sërish rolin si ambasadore e markës. Ky veprim ka ardhur pas një pauze të shkurtër pas një fushate që krijoi mjaft polemika në vitin 2022.

Kim Kardashian ‘Re-Evaluated’ Her Relationship With Balenciaga — Now She’s Their Brand Ambassador

More: https://t.co/AAqzYIMt9U pic.twitter.com/lIG4C8A6U2

— Rolling Stone (@RollingStone) January 22, 2024

Në një deklaratë të shpërndarë në Instagram Story, Kardashian shprehu entuziazmin e saj për partneritetin, duke thënë:

Për disa vite tashmë, dizajnet e Balenciaga kanë qenë pjesë e pamjeve të mia të shumta – dhe disa nga momentet e mia më ikonike të modës. Kjo shtëpi historike e modës përqafon modernitetin, mjeshtërinë dhe ka një qasje mjaft inovative në dizajn.

Marrëdhënia mes Kardashian dhe Balenciaga ka një histori të gjatë. Ajo ka qenë një fanse prej kohësh, duke marrë pjesë në eventet e Met Gala e veshur me krijimet e Balenciaga-s dhe duke tërhequr të gjithë vëmendjen e pjesëmarrësve gjatë shfaqjeve të Javës së Modës në Paris. Kardashian do të shënojë rikthimin e saj zyrtar në markë me një fushatë të kapur nga fotografi dokumentar Platon.

Ky njoftim nënkupton një kapitull të ri për Kardashian dhe Balenciaga, duke theksuar besimin e ndërsjellë dhe përkushtimin për të bërë atë që është më e drejtë për të dyja palët. Kardashian shprehu përkushtimin e saj ndaj markës, duke thënë:

Jam e emocionuar për këtë kapitull të ri me markën dhe për t’u bërë ambasadore e tyre.

Kim Kardashian can add another line to her stacked resume: ambassador. The star is taking her partnership with #Balenciaga to the next level as their brand ambassador. See all the details: https://t.co/2NDHN5upko pic.twitter.com/Nm2EbwdI3V

— Vogue Runway (@VogueRunway) January 22, 2024

Lajmi për rikthimin e Kardashian si ambasadore e markës Balenciaga vjen dy vjet pasi ajo u distancua nga shtëpia e modës për shkak të një fushate që krijoi mjaft polemika. Në nëntor të vitit 2022, Kim bëri një deklaratë duke shprehur shqetësimet e saj për fushatën, e cila tërhoqi kritika të gjera për referencat e saj ndaj pornografisë së fëmijëve dhe paraqitjes së modeleve të fëmijëve së bashku me imazhet fetish.

Në atë kohë, Kardashian ishte “tronditur” nga “imazhet shqetësuese” dhe bëri thirrje për respektin më të lartë për sigurinë e fëmijëve. Edhe bashkëthemeluesi i Balenciaga-s iu përgjigj kritikave, duke kërkuar falje për zgjedhjen e papërshtatshme artistike. Pavarësisht situatës së krijuar në vitin 2022, tani edhe Kardashian dhe Balenciaga janë pajtuar.