Lukaku së bashku me Dybalan janë pa diskutim dy yjet më të mëdhenj në ekipin e Romës në Serie A dhe ku ofertat për të dy sulmuesit nuk mungojnë. Nga ana tjetër, kanë mbetur më pak se 24 orë deri në mbylljen e afatit kalimtar të janarit, ku këto orë janë vendimtare edhe për Romën. Gjiganti italian ka afruar mbrojtësin e majtë spanjoll Angelino si huazim me të drejtë blerje prej gjashtë milionë eurove nga RB Leipzig.

Megjithatë te Roma po presin një tjetër ardhje në orët e fundit, por para se gjithash ata duhet të shesin për të pasur hyrje të reja. Kryeqytetasit janë duke larguar tre futbollistë nga radhët e tyre, për t’i bërë vend një afrimi të ri. Andrea Belotti po e kompleton huazimin te Fiorentina, ku klubi vjollcë do ta ketë të drejtën e blerjes në fund të sezonit. Ndërkohë nga Roma si huazim pritet të largohet edhe Marash Kumbulla me Sassuolon që është skuadra favorite për t’i siguruar shërbimet e tij. I fundit që pritet të largohet nga Giallorosët është mbrojtësi turk Zeki Celik që pritet t’i bashkohet Galatasarayt. Verdhekuqtë po punojnë për afrimin e talentit të madh italian Tommaso Baldanzi nga Empoli i cili është kërkesë e trajnerit Daniele De Rossi. Për Baldanzin Roma është duke kërkuar huazimin e tij me obligim blerje prej 15 milionë eurove