A e dini se si e shpjegojnë psikologët faktin që e urreni ardhjen e ditëlindjes suaj? Nuk ju pëlqen të jeni në qendër të vëmendjes. Në ditëlindje patjetër do të jeni në qendër të vëmendjes. Do t’ju urojnë, do të merrni dhurata dhe telefonata, ndoshta do të ketë edhe shumë shkëmbime përqafimesh me kolegët. Atë ditë ndjehet gjithçka që mungon. Nëse vendosni ta festoni ditëlindjen me siguri do të ndjeni mungesën e një njeriu të dashur, ndoshta nuk jeni në një marrëdhënie dhe ajo festë do jua nënvizojë më shumë mungesën e një partneri ose partnereje.

Në mungesë të forcës për t’i përballuar me lehtësi këto humbje dhe mungesa, bëheni një person që nuk ju pëlqen festa e ditëlindjes. Keni frikë nga koha që kalon. Nëse keni një urrejtje të veçantë ndaj ditëlindjes suaj, mund të keni frikë nga koha që kalon. Nga ana tjetër, është pikërisht dita në të cilën futesh në të ardhmen, por ende keni ndjesinë se jeni në gjendje të qëndroni në të tashmen. Kjo gjeneron frikë dhe mendime për pleqërinë, për kohën që kalon dhe që kërkon të bëni më shumë gjëra për të ardhmen.