Bazuar në parashikimin lidhur me situatën hidrometeorologjike të përkeqësuar përgjatë bregdetit shqiptar, Drejtoria e Përgjithshme Detare njoftoi se është ndaluar dhënia e leje-nisjes për të gjitha mjetet e vogla lundruese, anijeve të peshkimit që operojnë përgjatë bregdetit shqiptar në datat 10, 11 dhe 12 shkurt.

Po ashtu, njoftohet se anijet e transportit ndërkombëtar detar për pasagjerë dhe automjete në linjën Vlorë-Brindisi-Vlorë, nuk do të vazhdojnë të operojnë normalisht sipas destinacioneve përkatëse deri në përmirësimin e kushteve hidrometeorologjike.

Në bazë të parashikimit për situatën hidrometeorologjike të përkeqësuar përgjatë bregdetit Shqiptar gjatë datave 10-11-12.02.2024  duke filluar nga ora 14:00 datë 09.02.2024 në drejtimin Jug-Jug-Lindje, Jug-Jug-Perëndim në forcën deri 7-8bft me shpejtësi ere deri 20-25m/s dhe lartësi dallge nga 2.50 deri 3.50 metra.

Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port  dhe rritje e gadishmerisë së ekuipazhit në mjetet lundruese.

1.ËSHTË NDALUAR DHËNIA E LEJE – NISJES GJATË DATAVE 10-11-12.02.2024  DUKE FILLUAR NGA ORA 14:00 DATË 09.02.2024 PËR TË GJITHA MJETET E VOGLA LUNDRUESE, ANIJEVE TË PESHKIMIT QË OPEROJNË PËRGJATË BREGDETIT SHQIPTAR DHE TË JENË NJOFTUAR PËR MARJEN E MASAVE PËR SIGURIMIN E TYRE.

2.Anijet e transportit ndërkombëtar detar për pasagjer dhe automjete në linjën Vlorë-Brindisi-Vlorë, nuk do të vazhdojnë të operojnë normalishtë sipas destinacioneve përkatëse, deri në përmirësimin e kushteve hidrometeorologjike.

3.Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 06:00 të datës 12.02.2024.

Shërbimi Meteorologjik Ushtarak bën të ditur se për ditën e sotme, vendi ynë do të vijojë të ndikohet nga kushte atmosferike relativisht të qëndrueshme, si rezultat i masave ajrore relativisht të lagështa me origjinë jugperëndimore.

Moti parashikohet me alternime kthjellimesh, si edhe me vranësira mesatare deri të dendura, kryesisht re të mesme e të larta transparente. Në zonën e veriut dhe në jug, pas orëve të pasdites parashikohen reshje shiu me intensitet të ulët.

Ka prezencë të mjegullës së dendur/mjegullinës, si dhe reduktim shikimi në orët e mëngjesit përgjatë zonave luginore.

Era do të fryjë me drejtim nga kuadrati i jugut e intensive, me shpejtësi mesatare 3-12 m/sek, ndërsa përgjatë vijës bregdetare dhe në zonat luginore, era bëhet tepër intensive dhe problematike në forcën e tufanit, me shpejtësi 16 deri në 28m/s, shoqëruar me valëzim të lartë në dete të forcës 6-7 ballë.