Organizatorët e Eurovizionit kanë hedhur së fundmi poshtë idenë e përjashtimit të Izraelit nga konkursi i këngës. Pas luftës në Gaza, e cila u shkaktua nga përmasat e paprecedentë të sulmit nga Hamasi më 7 tetor, disa vende kanë qënë në favor të përjashtimit të Izraelit nga gara.

“Krahasimet midis luftërave dhe konflikteve janë komplekse dhe të vështira dhe si një organizatë mediatike jopolitike, nuk na takon ne t’i bëjmë ato,”-tha për mediat drejtori i përgjithshëm i EBU, Noel Keren.

Eurovision Song Contest është një ngjarje muzikore jopolitike dhe një garë mes anëtarëve të EBU. Ky nuk është një garë mes qeverive.

Keren tha se në rastin e Rusisë, pjesëmarrja ishte pezulluar nga EBU për shkak të dështimit sistematik për të përmbushur detyrimet e tij si anëtare dhe shkeljes së vlerave të shërbimit publik. Ai gjithashtu theksoi se marrëdhënia midis transmetuesit publik Kan dhe qeverisë izraelite është thellësisht e ndryshme nga ajo midis TV rus dhe Moskës.

Ndërkaq, rikujtojmë se prezantueset e Eurovisionit të 68-të në Malmö do të jenë aktorja hollivudiane dhe suedeze Malin Akerman dhe Petra Mede, një aktore dhe komediane suedeze, e cila tashmë ka organizuar dy herë garën më të madhe muzikore evropiane. Petra Mede do të jetë prezantuese e Eurovisionit për herë të tretë.

Për herë të parë, ajo drejtoi konkursin e mbajtur në Malmö në vitin 2013 dhe tre vjet më vonë ajo priti konkursin me fituesin e Eurovisionit Mons Selmerlov në Stokholm. Ajo deklaroi se mezi priste të punonte me Malin Aukerman. Malin Okerman ka lindur në Stokholm dhe është rritur në Kanada.