Chatbot-et e fuqizuara nga Inteligjenca Artificiale kanë ndikim të rëndësishëm në botën e teknologjisë, pasi shërbejnë për qëllime të ndryshme si shkrime, shkëmbim informacioni, zgjidhje detyrash, e madje edhe asistim në detyra programimi. Megjithatë, shumë njerëz edhe e kanë keqpërdorur atë.

Kohët e fundit, një i ashtuquajtur biznismen milioner në SHBA, po pretendon se ka përdorur ChatGPT-në për të fituar 100 vakte falas nga McDonald’s. Gage po mburret se ka vjedhur fatura nga tavolinat dhe ka përdorur kodet e tyre unike për të pranuar porosi nga McDonald’s.

Ai pohoi se ka 9 muaj që e përdor këtë truk dhe deri më tani ka marrë 100 kupona nga restoranti, duke shtuar se ushqimi është më i shijshëm kur është falas. Megjithatë, përdoruesit e internetit  nuk ishin të impresionuar dhe shprehën shqetësimin që pika e veçantë e McDonald’s mori vlerësime të shumta negative.

Pavarësisht shqetësimeve fillestare se prezantimi i ChatGPT mund të çonte në rritjen e kopjimit në shkollat e mesme, një studim i fundit i Stanford-it zbulon se shkalla e mashtrimit midis nxënësve të shkollave të mesme ka mbetur statistikisht e pandryshuar ose edhe paksa e ulur. Studimi, i kryer përmes një sondazhi anonim në 40 shkolla të mesme amerikane, zbuloi se afërsisht 60% deri në 70% e nxënësve përfshihen në sjellje kopjimi, një përqindje në përputhje me vitet e mëparshme.

Victor Lee, drejtuesi i fakultetit të Stanford për AI (Inteligjencës Artificiale) theksoi se ndërsa ka raste të izoluara të AI që përdoret për kopjim, provat e përgjithshme sugjerojnë një ndikim minimal te nxënësit e shkollave të mesme. Studimi theksoi gjithashtu se vetëm 19% e adoleshentëve të moshës 13 deri në 17 vjeç kanë përdorur ChatGPT për detyrat e shkollës.