Kozeta Kurti, një nga “pioneret” e para të radiove private në Shqipëri, që në fund të viteve ‘90-të, kthehet në Top Albania Radio pas 17 vjetësh me “Back to the Beginning”. Ky format e nisi rrugëtimin edhe në 2020-ën, fiks në të njëjtën periudhë me pandeminë globale “Covid 19”-të, por me sa duket kjo është koha e duhur.

Jo vetëm Kozeta, por edhe të ftuarit e saj do ta kthejnë kohën pas, si çantë shpine, në fillimet e tyre, midis qindra kujtimesh.

Për të kuptuar ku po shkon, kujto nga erdhe.

I ftuar në “Back to the Beginning”, artisti Endrik Beba si dhe ish-banor i “BBV3” kujton hapat e tij të parë në muzikë, flet për eksperiencën në Big Brother dhe përshkruan eksperiencën e prindërimit.

Kur bëhesh prind nuk je gati. Është një gjë që të vjen dhe je i detyruar të jesh gati. Me Liamin jam shumë protektiv. Çdo gjë e jotja ndryshon për mirë, mëson të duash, të edukosh, të dashurosh. Është një forcë që të vjen natyrshëm dhe ti je gati, një dije e papritur që të vjen gati.